11 de Novembro de 2025, Ministerio Ensino Superior Ciencia e Cultura (MESCC), liu husi Diresaun Nasional Legalizasaun hamotuk ho Avaliador Nasional sira halao avaliasaun ba kursu Enfermagen iha Instituto Boaventura de Timor Leste (IBTL).

Avaliador neébe halao Avaliasaun ba kursu Enfermagen iha IBTL, Dr.Raimundo dos Santos, Dr. Mateus Pinheiro no akompanha husi Chefe Departamento Legalizasaun no Tekniku sira, iha Avaliasaun ida neé Decana Faculdade Siencia da Saude, Sra. Eloynha Bakita Seac, apresenta mos rezultadu estudu viabilidade registu Kursu Enfermagen iha IBTL. Avaliasaun kursu Enfermagem ho objetivu atu garante katak kursu Enfermagem ne’e koresponde ba padrão nasional no internasionál, ho finalidade hodi assegura kualidade, relevánsia no sustentabilidade akademika iha preparasaun profesionais Enfermagem ne’ebé kompetente, étiku no responsavel ba servisu saúde komunidade.

Remata iha Avaliasaun, Avaliador sira hamotuk ho ekipa MESCC no akompnha husi Estrutura Senado no Docentes sira iha IBTL halao visita ba Laboratorium Enfermagen, Bibleoteka, Sala de Aprendizagen, no hare mos dokuentus sira neébe maka neccesariu ba registu kursu Enfermagen.

“Haburas Ciencia Dezemvolve Nasaun”

MANUFAHI, 9 de Desembro de 2025, Instituto Boaventura de Timor Leste (IBTL) liu husi Faculdade Engenharia no Economia atribui Titutlu Akademiku ba estudante finalista 35, kompostu husi Departamento Gestão nain 7, Construção Civil nain 7, no Engenharia Informatica nain 21. Tema Judicium “ “RECONHECIMENTO DO ESFORÇO, DA DEDICAÇÃO E DA COMPETÊNCIA ACADÉMIC “

Iha Deskursu Decano Faculdade Economia Sr. Agapeto Sarmento hateten, Judisium, la’ós de’it seremónia formal ba atribuisaun titulo academik, maibé momentu ida ne’ebé marka mudansa boot ba estudante finalista sira husi fase aprendizajen ba fase responsável nian, no preparado hodi tama ba mundu profisional ho dignidade, etikasaun no kompenténsia. Judicistas sira imi mak gerasaun ne’ebé iha dalan atu hadia institusaun, hadia komunidade no kontribui ba dezenvolvimentu nasaun.

Iha parte seluk, Decano Faculdade Engenharia Sr. Julito dos Reis Pinheiro hateten, judicium mak momento ida ne’ebe estudante finalista sira atu relembra ba desafios no obstakulo ne’ebe sempre perturba ita bot sira durante imi halao viagen akademik, maske hasoru desafios no obstakulo la sai bareira iba ita bot sira, to ohin loron ita bot sira atinji duni ita bot sira nia mehi.

Iha Ceremonia Judicium faculdade sira Entrega Listas Judicium, ba magnifiku Reitor IBTL, ne’ebe representa Pro-Reitor trata Assunto Academic.

Iha Deskursu Pro-Reitor Trata assunto Academic, Sr. Cipriano Nunes Mendonca, hateten, ohin ami simu ona lista judicistas hamotuk 35 pesoas, ami sei kontinua servisu hamotuk ho ministerio Ensino Superior Ciencia e Cultura (MESCC), hodi decide tempu ba mudansa de fita ou graduasaun ba ita bot sira, bazeia servisu hamotuk entre IBTL no MESCC ami deside ona data ba mudansa de Fita ou Graduasaun iha loron 20 fulan Desembro tinan 2025.

Pro-reitor ne mos iha nia deskursu hato’o palavra de rekonhesemento ba servisu Decano, Chefe Departamento, docentes no Funsionariu toma iha nivel Faculdade ne’ebe servisu makas hodi akompanha ita nia alin sira to ohin simu simu titulu akademiku ida ne’e.

Hau hakarak hato’o mos hau nia palavra agradesementu ba Inan aman no familia judicistas sira hotu, ne’ebe durante tau komfiansa mai ami hodi haruka ita bot sira nia oan mai eskola iha IBTL.