29 de Outobro de 2025, Ministerio Ensino Superior Ciencia e Cultura (MESCC), liu husi Diresaun Nasional Legalizasaun hamotuk ho Avaliador Nasional sira halao avaliasaun ba kursu Saúde Publik iha Instituto Boaventura de Timor Leste (IBTL).

Avaliador neébe halao Avaliasaun ba kursu Saúde Publik iha IBTL, Dr.Raimundo dos Santos, Dra. Lourdes Lay no akompanha husi tekniku Departamento Legalizasaun MESCC.

iha Avaliasaun ida neé Decana Faculdade Siencia da Saude, Sra. Eloynha Bakita Seac, apresenta mos rezultadu estudu viabilidade registu Kursu Saúde Publik iha IBTL.

Avaliasaun kursu Saúde Públik ho objetivu atu garante katak kursu Saúde Publik koresponde ba padrão nasional no internasionál, hodi hare mos programa formasaun iha área Saúde Pública iha kualidade, relevánsia no efektividade, hodi forma profisionál sira ne’ebé kompetente, étiku no preparadu atu kontribui ba promosaun, prevensaun no manejamentu saúde komunidade iha Timor-Leste.

Remata iha Avaliasaun, Avaliador sira hamotuk ho ekipa MESCC no akompnha husi Estrutura Senado no Docentes sira iha IBTL halao visita ba Laboratorium Saúde Publik, Bibleoteka, Sala de Aprendizagen, no hare mos dokuentus sira neébe maka neccesariu ba registu kursu Saúde Publik.

“Haburas Ciencia Dezemvolve Nasaun”